第六章 砒霜钵 (1)
江南金陵大城南门外，有一人姓邬，名家治。父子出外做生理，家中有老母，年近七十，双目久盲。妻梁氏，气质凶横，常以毒口咒人，人加其号为“砒霜钵”，事家婆尤为忤逆。娶媳韩氏，性颇柔顺，心不服砒霜钵所为，亦无奈何也。
一日，砒霜钵骂盲家婆曰 ：“你个老狗？，好死唔死，在 此食屈米，偷生人世，要你何用呀！”盲家婆曰 ：“我食我子 孙的米，又不是你在外家带归来，何用你咁眼紧哩？你一世都系欺负我。（唔通个仔都唔知）我如今又盲又老，有几久世界，你自己都要顾下本心，恐怕雷公打你 。”砒霜钵发怒起来，虾 咁跳，大声曰 ：“你个老狗？，乜知咁心毒么？想请雷公来打 我，我又硑得罪雷公，因乜事雷公来打我呢？我唔怕雷公，只怕老公，但系我好命，嫁得好老公，一世唔曾骂我一言，打我一棍，（分明纵妻之恶）唔比同你个老狗？，咁心毒，日日要骂人，方得安乐。
你话我欺负你，点样欺负法？你逐一要讲出来，若讲不出， 要切歪你个嘴！”（恶生个样子）盲家婆曰： “且勿论前之事，即如近两月间，我仔付回腊鸭八只，腊肉十 斤，你将腊鸭送与亚姨，送与契友，东一只，西一只，我何曾食得几多件呢？将腊鸭晚晚煲五更饭，今晚一煲，明晚一煲，我何曾食得几多件呢？”（今世人出外亦寄食物归家，但老婆主权，父母所食有限）砒霜钵曰 ：“你时时怨有牙，唔食得硬 物件，个的腊鸭咁干，你唔着食咯，你近来肠肚弱，食的肥腻就屙就泻，个的腊鸭肉，你唔着食咯。（恶婆亦有道理）况且信皮写云：付回家下收入。 丈夫称我为‘家下’，你叫做‘家上’，照讲来，与你无干，做乜你咁要餐呀？（做得大状棍，无理议出有理来）盲家婆曰 ：“我硑得食么？要有衣着为何你着绫罗绸缎，我总系粗衣麻布呢？”（丈夫肯作置老婆，做仔唔肯打理老母）砒霜钵曰 ：“个的系老公打扮我光辉，我修得 到，系我之福，你一世唔修，所以有福。（专门讲祈福说话）
唔通六七十岁老太婆，重整成咁好色水么？”盲家婆曰 ：“我 唔要好色水，都要补破遮寒呀！为何我的衣服穿烂，有时钮耳崩、衫袖裂，你为妇道，何解总唔打理呢？”砒霜钵曰 ：“我 有我事干， 点样得闲打理呀？”（娶新妇何用）盲家婆曰：“ 你唔得闲，我有孙新妇得闲，为何我叫佢浆洗，你定必叫佢去东去西，致我衣裳浸烂者有之，发霉者有之，分明故意收什我。
”砒霜钵曰：“我个新妇，系我娶归来，不是你作置的，问你一世有何本事，既做人家婆，已经享福太过，又想做人太婆，你实在唔知足 。”盲家婆曰：“我唔讲得你赢，你个把嘴终须 要折腾死，落阎罗王要勾你舌根 。”砒霜钵以手指向盲家婆曰： “勾、勾、勾，勾你个盲鬼！有人有你咁心毒，开口就呼我做 砒霜钵，你试想下，煮熟饭何尝唔许你食？煲滚茶，何尝唔许你饮？你自己问心呀！有天知、地知、人知、鬼知，睇过系我欺负你唔系呀！ 睇过话你好抑或话我好呀！”盲家婆曰：“你 有错，你有错，终须个天饶你唔过 。”孙妇韩氏多方劝解，两 人归房而罢。
六七日后，砒霜钵心犹大忿。一日，心生一计，看见盲家婆在房中抽扯柜箱，搬取物件，新妇又往邻家磨谷，即解下绉纱包头带，打一个神仙索，轻轻移步人房，向盲家婆颈上一箍，出尽生平气力，勒到盲家婆手乱扒、脚乱跳，欲喊不能出声，欲活不能通气，双膝跪在地上，头摇发乱，腰背摆左摆右、或高或低，眼中水火齐来，砒霜钵仍不肯放手，勒至死为止，呜呼哀哉而气绝矣。砒霜钵解脱绉带，尚恐其生，用手掩住口鼻，局了一回，然后放手又侧耳向他口鼻处细听， 不闻声息，（此 地种草都无生了）知其真死无疑，尽势拖挽，放在床头上。
一息间，新妇归来，砒霜钵细声曰 ：“亚嫂，我有一件紧要事吩 咐你知，只可你知，不能传说于人 。”韩氏见其面色慌忙，青 筋起现，知其必有古怪之处，遂低头答曰 ：“婆婆有何吩咐？” 砒霜钵曰 ：“你个盲太婆，我一世共佢有缘份，个条命总唔合 得佢，佢系我眼中钉，系我心头火。我先时将他勒死，邻里来吊香，我自有讲法，你不用多言。就系我老公及我仔归来，你亦不得泄露机关，讲其来历。你若疏言，我定必要死，我亦断唔容得你，要先将你勒死，拚之同你一镬熟 。”韩氏闻言，大 吓一惊，只得对曰 ：“谨照婆婆所教，不敢多言。”砒霜钵曰： “随得你，你唔怕死，即管讲。”韩氏心内叫苦，不觉泪流满 面。砒霜钵曰 ：“我都
眼泪，你眼泪得咁多？你好可怜佢么？你个贱人份外多事。
”遂将盲家婆检点周至，忽然哭起来。（好伤心）邻里走来问曰：“又与家婆打骂么？”砒霜钵曰：‘“唔系打骂，我家婆如今死了咯！”大叔婆惊曰：“我先时见佢在门口叫鸡，为何死得咁快？”砒霜钵曰 ：“唔讲你唔知，因今朝煮多契女饭， 契女唔来食。家婆叫肚痛，睡床唔起身。到了午后，喊肚饿，我话煲的白米头，局的好腊鸭，佢唔愿食，话要炒饭，我就切的腊肉粒、鸡蛋丝、葱花正菜，炒得又香又爽。谁知佢食了一碗又一碗，食了四大碗。老人肠肚窄，点能受得几多呢？劝佢唔好食咁多，似乎话我砒霜钵制折佢，又系唔好人。
乜知炒饭性太焦，味太咸，食完见喉渴，饮了一大煲茶，敢就饱得眼凸凸，两脚都伸直。你话点算好呀？人家唔知，估我共佢不和，似乎毒死佢，但系能瞒得四邻，不能瞒得佢孙妇，现有佢孙妇可据，我虽然丑禀， 实系貌恶心慈，（自家赞自家）唔比同人 佛口蛇心，阴柔害物。我见佢饱得咁干苦，实觉可怜，初时唔估咁撞板，若早知道，断唔炒饭过佢食咯！”大叔婆曰 ：“我 知佢一世爱食炒饭，但唔该食咁多呀！”又一邻妇曰：“饱死好过饿死，胜过饿鬼，年年要等七月十四 。”讲完，砒霜钵放 声大哭，备买棺执等项，亲手自己殡殓，（恐怕被人看出）遮遮掩掩，有谁看到恶处？其夫及子归来，殡葬已罢。迟廿日间，其夫及子又远回铺矣。计盲家婆死之日，其时系道光十六年十二月初旬也。
砒霜钵见家婆死后，并无人知觉，新妇又不敢言，自以为安枕无忧，逍遥自在，每餐饮几两好酒，局一串风肠，有时饮得醉霏霏，自言自笑。（快活咯）不过半年， 身中大病。寒热 交作、一阵如冰冻，一阵似火烧。睡中反覆滚滚团团，神魂飘荡，见一官差，将铁链锁住颈上，拖狗咁拖，苦拖同去，砒霜钵曰 ：“你锁我做乜呀？我又硑得罪你，（不过得罪家婆）你恃恶么？”官差笑曰 ：“你重诈梦，你去就知道。”砒霜钵尚 估人告发，差役来拿，心中仆仆咁跳。行至一处地方，阴气惨淡，日色微茫，见无数披枷带锁、散发披头，亦有的骑马坐车、手舞足蹈，或人类畜类，满眼纷纷；或含笑悲啼，情形种种。
想起人话阴间光景，此处想必无疑。问官差 ：“此是何方？” 官差答曰 ：“此是你结局之处 。”（真妙语）砒霜钵愈见愈伤心，方知牵我者原是鬼差，哭唔愿行，坐在地上放侧眠，逞蛮撒泼。鬼差喝曰 ：“你起唔起？”砒霜钵曰：“我愿死不愿行。 ”鬼差笑曰：“你尚估系生人么？你真正系唔行？”砒霜钵垂头闭目，总不答声，鬼差遂抽住一只脚，随拖随走，拖得砒霜钵手脚撒开，头披髻散，大声乱喊 ：“我愿行咯！唔好拖得我 咁凄凉咯 ！”（情景极有趣）鬼差不由分说，苦苦尽力拖起势走，只管拖，只管骂，话 ：“唔怕你撒泼，唔怕你力蛮，你到 来恶得过我？你话唔怕雷公， 乜要怕我呢！”（砒霜钵一生唔 曾被人丢过驾，今到此处尽地丢清，好似恶人到官，硑了一毫气势）砒霜钵曰 ：“差老爷，我硑犯你呀！为何将我咁作贱呢？
”（好之你又作贱家婆）鬼差曰：“重有得过你贱，你估咐样就罢了么？你都唔知利害 。”引动得来往之鬼都笑，连一班牛 头马面鬼卒亦笑起来，笑其拖得有趣也。有一相识之鬼来讲情，方歇手唔拖，任其起身行走。
